Mančester siti polako hvata šampionski ritam, a Arsenal izgleda kao tim koji nedorastao takmičenju u Premijer ligi.
“Građani” su kod kuće deklasirali londonsku ekipu, slavili su 5:0 za drugi trijumf u sezoni, uz poraz od Totenhema na premijeri.
Već u 12. minutu je bilo 2:0 na “Etihadu” poslije pogodaka Gindogana i Toresa, a kada je Džaka u 35. dobio crveni karton nije se postavljala dilema oko pobjednika.
Do poluvremena se upisao i Žezus, a Siti je kasnije čak i spustio ritam.
Tako su do kraja mrežu “tobdžija” tresli Rodri i još jednom Tores.
Arsenal je poražen u sva tri meča ove sezone, još nije postigao gol, a primio ih je ukupno devet.
Zato se i uveliko piše da će menadžer Mikel Arteta biti smijenjen.