Kristijano Ronaldo je poručio da u Lionelu Mesiju ne vidi rivala, već da je oduvijek imao srdačan odnos sa njim.
Portugalac je prije dvije večeri bio dvostruki strijelac u pobjedi Juventusa nad Barselonom 3:0 u Ligi šampiona.
“Uvijek sam imao srdačan odnos sa njim. Kao što sam rekao i ranije već 12, 13, 15 godina delimo nagrade. Nikada ga nisam vidio kao rivala. Uvijek je davao sve od sebe za svoj tim i ja sam uvijek davao sve od sebe za svoj. Uvjeren sam da će i on reći isto ako ga pitate. Ali, svjesni smo da u fudbalu ljudi uvijek traže rivalstva kako bi stvorili veće uzbuđenje”, rekao je Ronaldo.
Zanimljivo je da su jedan protiv drugog igrali 36 puta.
Ronaldo se radovao u 11 navrata, Mesi u 16, dok je neriješeno bilo devet puta.