Lebron Džejms je bio prvi protivnik ideje da se igra NBA liga pred praznim tribinama.
Ipak kako je jasno da se sigurno pred punim tribinama neće igrati ove sezone, Džejms je promijenio mišljenje.
“Znate, volio bih ponovno igrati. Obožavam košarku. Znam kako inspirišemo cijeli sport. Želimo da vratimo košarku našim navijačima što prije. Naravno, ne želimo ugroziti zdravlje naših igrača ili njihovih porodica. To je pandemija o kojoj nemamo pojma, koju ne možemo kontrolisati. Slušaćemo ljude koji prate pandemiju, brojeve, podatke. Ali želim se što prije vratiti igranju”, kazao je Džejms i dodao:
“Iako nisam bio uzbuđen zbog ideje da igram bez gledalaca, sada to želim. Želim što prije biti na terenu”.