Mančester siti je u gostima pobijedio Arsenal 2:1, u prvoj utakmici u Premijer ligi u 2022. godini.
Domaći su poveli u 31. minutu kada je nakon dodavanja Tirnija, Bukajo Saka iz prve pogodio mrežu Edersona.
U nastavku su se stvari promijenile za nekoliko minuta. Najprije je poslije gledanja snimka, sudija ocijenio da je Džaka srušio Bernarda i skrivio penal iz kojeg je Marez izjednačio.
Dva minuta kasnije poslije udarca Sake, loptu je sa gol linije izbacio Ake, da bi odbitak preko nebranjenog gola poslao Matineli.
Uslijedio je i crveni karton za Gabrijela, pa je Arsenal u posljednjih pola sata igrao se desetoricom.
U sudijskoj nadoknadi Rodri je bio snalažljiv pred golom Arsenalu i donio lideru velika tri boda.
Sa mečom više od Čelsija Siti ima devet bodova prednosti na vrhu, dok trećeplasirani Liverpul zaostaje 10 poena.
Arsenal je poražen poslije četiri pobjede u nizu i ostaće na četvrtom mjestu sa 35 bodova.