Maurucio Poketino nije mogao izbjeći pitanja o Lionelu Mesiju na pres konferenciji.
Mesi je bio vrlo ljut zbog toga što je zamijenjen.
Poketina to praktično ne zanima, jer takve odluke mora da donosi.
– Svi znaju da imamo niz sjajnih igrača, imamo ekipu od 35 odličnih igrača. Među njima moramo birati za utakmice, ali i raditi promjene tokom utakmice kako bismo napravili ono što je najbolje za tim. Nekad su odluke dobre, nekad loše, ali trener je taj koji mora donijeti te odluke. Može se to nekome sviđati ili ne. Pitao sam Mesija kako je, rekao je da je sve u redu. Nema problema, rekao je Poketino.