Rafael Nadal je priznao da je u finalu Australian opena navijao za Dominika Tima.

Nadal, Foto: Twitter

Nakon meča u Melburnu kazao je da je Novak Đoković u ovom trenutku najbolji igrač na svijetu.

“Ne želim da budem licemjeran i kažem da nisam navijao za Tima. Za mene bi bilo bolje da je on osvojio Australian opena. Međutim, sve je to sport. Na kraju je pobijedio Novak i danas je najbolji teniser na svijetu. Sada mogu samo da mu čestitam na još jednom velikom uspjehu”, rekao je Nadal.

Đoković je u Melburnu osvojio 17. Gren slem trofej, Nadal ima 19, a Federer 20

“Srećan sam što i dalje igram na najvišem nivou. Međutim, isto tako sam svjestan da imam 33 godine i da je sve drugačije u odnosu na vrijeme kada sam imao 22. Tada sam znao da je cijeli sportski život ispred mene. Uživaću do kraja u tenisu jer na terenu preživljavam najljepše trenutke”, dodao je Nadal.

Španac je u Melburnu eliminisan u četvrtfinalu, upravo od Dominika Tima.

guest
0 Komentara
Inline Feedbacks
Pregedaj sve