Dan nakon što je sa 17 godina postigao prvi pogodak u Ligi šampiona, supertalentovani Džamal Musijala odlučio je da nastupa za reprezentaciju Njemačke.
Ofanzivac Bajern Minhena je dosad branio boje mlađih selekcija Engleske, zemlje u kojoj je proveo djetinjstvo, ali je riješio da mu izbor za seniorsku konkurenciju budu ”panceri”.
Musijala je rođen u Štutgartu, majka mu je Njemica, a otac Britanac sa korijenima iz Nigerije.
Momak kome predviđaju blistavu karijeru je do 2019. godine igrao za Čelsi, nako nčega je prihvatio poziv Bajern Minhena, gdje je odmah i dobio pravu šansu.
Uskoro ćemo ga gledati i u selekciji Njemačke.