Svjetski šampion u Moto GP-u, Mark Markes, smatra da njegov timski kolega iz Honde Horhe Lorenco nije bio ‘van kontrole’ kada je napravio udes na trci za VN Katalunje.
Lorenco je u drugom krugu oštro sasjekao krivinu i tom prilikom iz borbe za bodove izbacio Andreu Dovicioza, Maverika Vinjalesa, Valentina Rosija i sebe.
How it is feel to be Jorge Lorenzo now?#MotoGP #CatalanGP pic.twitter.com/7LXZEu71Ys
— John Sebastian (@johnsebastian_) June 16, 2019
“Naravno ljudi će reći ‘Šta je Lorenco radio?’, ali ja to ne vidim tako. Lorenco je bio na idealnoj putanji, na nesreću izgubio je prednji kraj, a Dovi i Vinjales su bili van idealne putanje. Oni su bili tu i udario ih je”, kazao je Markes.
Branilac titule lako je došao do pobjede u Katalunji i sada ima 37 bodova više od najbližeg pratioca.