Frenk Lampard je bio izuzetno ljut nakon poraza Čelsija od Arsenala.
Trener ”plavaca” je odlučio da prozove igrače nakon poraza u kom je njegov tim gubio i 3:0.
Posebno se osvrnuo na partije Tima Vernera.
– Ne bih rekao da su moje riječi doprle do igrača. Nije bitno igrate li protiv Arsenala ili protiv neke druge premijerligaške ekipe, onako ne smijete izaći na teren. Ne znam što je uzrok tome, ali rekao bih da nije stvar samo neozbiljnosti. Poruka prije utakmice bila je jasna, morali smo napadati, ali nijesmo, rekao je Lampard i nastavio:
– Verner? Vidjećemo što ćemo s njim. Sigurno je da će slaba realizacija uvijek biti nešto po čemu će se suditi napadače. Mogao sam napraviti više zamjena, ali imao sam osjećaj da sam dovoljno napravio. Timo nam nije dao dovoljno s loptom ni bez nje. Za nešto od toga mu treba i vremena. Stalno govorim isto jer on sada igra u bitno drugačijoj ligi, treba mu vremena. Razgovaraću sa njim i vidjeti kako se osjeća.