Lionel Mesi je u utakmici protiv Valjadolida ostao bez gola, no i asistencija je bila dovoljna za novi rekord.

Mesi, Foto: EPA

Argentinac je asistirao Arturu Vidalu koji je pogodio u 15. minutu za pobjedu kojom je Barselona ostala “živa” i još uvijek u igri za titulu.

Mesiju je to bila 20. asistencija u La Ligi ove sezone i postao je prvi igrač koji je u istoriji ovog prvenstva u jednoj sezoni imao najmanje 20 golova i 20 asistencija.

Jedini igrač do sada koji je imao barem 20 asistencija u sezoni je njegov legendarni saigrač Ćavi u sezoni 2008./2009. No, do sada niko nije imao učinak od 20+ golova i asistencija u sezoni La Lige.

Mesi je inače ukupno dao 22 gola i vodeći je strijelac lige, a do kraja su Barseloni ostala još dva meča. Osim duela s Osasunom, Barsi ostaje i gostovanje Alavesu, dok Real pored gostovanja u Granadi u poneđeljak, ima duel s Viljarrealom kod kuće i Leganesom u gostima.

guest
0 Komentara
Inline Feedbacks
Pregedaj sve