Lebron Džejms proglašen je za najkorisnijeg igrača finalne serije NBA lige.
U šest mečeva sa Majamijem prosječno je ubacivao 29,8 poena, uz 11,8 skokova i 8,5 asistencija.
“Kada sam došao u Los Anđeles, rekao sam da ću vratiti ovu franšizu tamo gdje joj je mjesto. Želim da zahvalim svim članovima tima, koji su ovdje. Individualna priznanja ne bi ništa značila da nije klupskih uspjeha“, rekao je Džejms.
Lebron je ove sezone stigao do 260 utakmice odigrane u plej ofu i po tome postao rekorder u najjačoj ligi na svijetu.
MVP finala je postao četvrti put u karijeri, a zanimljivo je da je tu nagradu dobijao svaki put kada bi njegov tim osvajao šampionski prsten.
Dva puta sa Majamijem, jednom sa Klivlendom i rano jutros po našem vremenu sa Lejkersima.
Izjednačio je i rekord Majkla Džordana po kojem je najmanje četiri puta bio MVP regularnog dijela sezone i i finala.
Prvi je igrač sa četiri titule u tri različite ekipe.