Čelsi je u krizi, izgubio je tri meča u posljednja četiri kola, a menadžera Franka Lamparda dodatno motiviše činjenica da će sljedećeg vikenda igrati protiv nekadašnjeg trenera Žozea Murinja.
“Plavci” će na “Stamford bridžu” odmjeriti snage sa direktnim konkurentnom u borbi za plasman u Ligu šampiona.
“Biće to poseban meč. Drugačiji za Žozea i mene. Obojica smo profesionalci i nekada je poseban motiv kada igrate protiv nekoga sa kim ste sarađivali. Samo prisustvo Murinja daje utakmici dodatnu vrijednost. Poznajući ga uvjeren sam da silno želi da nas savlada”, rekao je Lampard.
Čelsi je trenutno četvrti na tabeli sa tri boda više od Totenhema.
Derbi londonskih rivala na programu je u nedjelju od 17:30.