Trener Barselone Ronald Kuman je nakon remija sa Alavesom priznao da je zabrinut zbog problema u napadu.
Katalonci su osvojili samo bod u Vitoriji i tako nastavili seriju mečeva bez pobjede u La Ligi – to je trenutno niz od četiri susreta.
“Zabrinut sam na to kako igramo u napadu. Nije to pitanje stava ili koncentracije, treba da imamo više uspjeha kada se nalazimo pred protivničkim golom. To nam se desilo protiv Juventusa, a isto nam se dogodilo i sada”, izjavio je Kuman i dodao:
“Ako stvorimo toliko šansi, ne bismo smjeli da ih propuštamo toliko. Ako postignete samo jedan gol iz svih ovih šansi, onda to nije dobro”.
Barselona je trenutno na razočaravajućem 12. mjestu tabele La Lige, sa osam bodova manje od vodećeg Reala.