Češka teniserka Petra Kvitova kazala je da ne želi da pored sebe ima ženskog trenera.
Petra, čiji je trener sada bivši teniser Jiri Vanjek, objasnila je zašto uvijek sarađuje sa muškarcima iz svoje domovine.
“Češki mentalitet je jedinstven, baš kao i jezik. Svi mi govorimo engleski, ali sa trenerom je nekada teško razumjeti drugi jezik. Zadovoljna sam Česima, uvijek je bilo tako. Kada je riječ o tome da me žena trenira, to nikada nije dolazilo u obzir. Mislim da mi ne bi bilo prijatno. Imam dvojicu starije braće, tako da mi je to prirodno, a i generalno više poštujem muškarce od žena“, zaključila je Kvitova.
Za sada je Čehinja u karijeri dvaput osvojila Vimbldon, 2011. i 2014. godine, bila je druga na svetu i ukupno ima 27 titula.