Poslije ubjedljivog poraza od Bajerna, trener Barselone Ronald Kuman priznao je da je pobjednika odlučila velika razlika u kvalitetu.
Bavarci su slavili sa 3:0, a domaća ekipa nije uspjela čak ni da šutne u okvir gola Bajerna.
– Bajern je u ovom trenutku mnogo bolja ekipa od nas, postoji velika razlika u igračima. Ne mogu ništa prigovoriti ekipi. Imamo ekipu kakvu imamo i to su vrlo mladi igrači, ali za dvije ili tri godine biće jako dobri, rekao je Kuman.
Barselona poslije skoro dvije decenije započinje sezonu u Ligi šampiona bez Lionela Mesija, koji je prije mjesec prešao u Pari Sen Žermen.
Jasno je i da su ambicije mnogo manje, nego prethodnih godina.