Ukrajinski teniser Sergej Stahovski otkrio je da je 2009. godine imao ponudu od 100.000 dolara da namjerno izgubi meč na Australijan openu.
Riječ je o duelu uvodne runde, u kome je Stahovski odmjerio snage sa Francuzom Arnoom Klemonom.
“Kada sam bio na Australijan openu, ponuđeno mi je 100.000 dolara da izgubim u prvom kolu od Klemona. Bilo ih je dvojica koje su podržavali ‘investitori’. Na kraju sam izgubio meč nakon što sam vodio sa 2-1 u setovima. Napuštao sam teren i mislim da bih ga udario reketom da je stajao tamo“, kazao je Stahovski.
Ukrajinac je potom prijavio slučaj tada novoformiranoj Jedinicom za teniski integritet.
“Pitali su me ko je to bio, a ja sam odgovorio: ‘Stani, možete li da zaštite moju porodicu? Jer on je pion, ljudi iza njega su opasni, a moja cijela porodica je u Ukrajini“, dodao je Stahovski, kome je 31. mjesto najbolji plasman u karijeri.
Osvojio je četiri titule.