U završnici je 21. kolo Bundeslige, nakon kojeg je situacija na vrhu tabele neobična – Bajern, Union Berlin i Borusija Dortmund bodovno su izjednačeni.
Borusija je večeras lako na Vestfalenu slavila nad Hertom, u kojoj ni ovog puta zbog povrede nije bilo Stevana Jovetića. Na kraju je bilo 4:1, pri čemu su za ‘milionere’ pogađali Adejemi, Malen, Rojs i Brant. Počasni pogodak za ‘staru damu’ iz Berlina postigao je Tosar.
Prije toga, Union Berlin imao je šansu da se izdvoji na prvom mjestu, ali nije je iskoristio. Naime, oni su pred svojim navijačima odigrali bez golova protiv posljednjeplasiranog Šalkea.