Derbi sjevernog Londona pripao je Arsenalu – “tobdžije” su na svom terenu savladale Totenhem 3:1 i ostaće na liderskoj poziciji u Premijer ligi.
Domaći su poveli efektnim golom Tomasa Partija sa distance u 20. minutu, ali nije dugo trajala prednost Arsenala.
U 31. minutu iz opravdano dosuđenog jedanaesterca izjednačio je Hari Kejn.
Arsenal je bio bolji rival u nastavku i poslije odbijene lopte Žesus je u 49. minutu vratio prednost.
Ključan momenat meča bilo je isključenje Emersona Rojala zbog grubog starta na Martinelija.
Pet minuta kasnije upravo je Martineli bio asistent, a Granit Džaka je postavio konačan rezultat.
Arsenal je upisao sedmu pobjedu u osmom kolu i ima 21 bod, četiri više od Sitija i današnjeg rivala Totenhema.