Juventus je opet eliminisan u osmini finala Lige šampiona.
Sada mu je lekciju održao Viljareal, koji je sinoć u Torinu slavio 3:0 nakon što je bilo 1:1 u prvoj utakmici.
“Žuta podmornica” je sva tri gola dala u posljednjih petnaestak minuta, dva iz penala.
“Igrao bih na isti način, momci su dobro radili 65 minuta. Ali, Viljareal je sve karte bacio na odbranu i uz sreću prošao dalje. Moramo da prihvatimo ovaj poraz. Ružan je, ali ne mogu da se ljutim na igrače”, rekao je trener “stare dame” Masimilijano Alegri.
“Čestitam Unaju Emeriju, to je bila jedna od njegovih uobičajenih utakmica. Ovo je fudbal, nekad stvari idu u vašu korist, nekad protiv. Dali smo sve, ali je Viljareal u jednoj fazi imao devetoricu igrača iza lopte i nije čak ni pokušao da parira. Bili smo naivni kod prvog penala, a onda umjesto da preokrenemo rezultat, primili smo još dva gola i izgubili kontrolu”, dodao je Alegri.