Petak, 29 Marta, 2024
Rubrika:

Crna Gora poražena od BiH, ništa od prvog mjesta

Odlučujući pogodak postigao je Ermedin Demirović u sudijskoj nadoknadi prvog poluvremena.

Fudbalska reprezentacija Crne Gore izgubila je od Bosne i Hercegovine u Zenici 1:0, u utakmici petog kola Grupe B Lige nacija. Ovim porazom “sokoli” su izgubili sve šanse za prvo mjesto u grupi, koje donosi plasman u viši rang, a ujedno i plej-of za Evropsko prvenstvo.

Na drugoj strani, selekcija BIH je pobjedom, kolo prije kraja takmičenja, obezbijedila prvo mjesto.

Odlučujući pogodak postigao je Ermedin Demirović u sudijskoj nadoknadi prvog poluvremena.

Demirović se upisao i u 32. minutu, ali je gol poništen nakon što je VAR tehnologijom utvrđeno da je bio ofsajd.

Domaćin je u prvom dijelu bio bolji, a šanse da se upiše u strijelce imao je Edin Džeko, u trećem i 37. šutirao je preko gola, dok je u 25. golman Milan Mijatović bio siguran.

U 17. minutu Milutin Osmajić je, nakon ubacivanja Stevana Jovetića i smušene reakcije odbrane domaćina, šutirao sa oko 20 metara, ali je golman Ibrahim Šehić bio siguran.

Šehić je odlićčno intervenisao i u 69. minutu nakon šuta Stevana Jovetića iz slobodnog udarca, dok je rezervista Uroš Đurđević u 78. šutirao pored gola, nakon ubacivanja Seada
Hakšabanovića.

U drugom meču te grupe, Finska i Rumunija igrale su u Helsinkiju 1:1.

Crna Gora će u posljednjem kolu, u ponedjeljak, ugostiti Finsku.

Tok meča:

Kraj meča.

Imamo inicijativu u finišu, ali domaćin odolijeva.

76’Hakšabanović je odlično prošao po lijevoj strani i centrirao, a Đurđević iz blizine poslao loptu pored stative.

Đurđević je zamijenio Jovetića,a Hakšabanović Šćekića.

69‘Jovetić je sada oprobao udarac iz slobodnjaka, Šehić siguran.

65’ Jovetić je zaprijetio sa ivice kaznenog prostora, lopta je otišla preko prečke.

Bez velikih šansi u prvih 15 minuta nastavka.

Na startu nastavka ušli su Mugoša i Vukčević. Zamijenili su Osmajića, odnosno Savićevića.

Počelo je drugo poluvrijeme.

Kraj prvog dijela.

45’ Primili smo gol u posljednjim trenucima prvog dijela. Demirović je utrčao ispred Vešovića i sa 10-11 metara matirao Mijatovića, nakon ubacivanja Stevanovića sa desne strane.

31’ BiH je postigla gol preko Demirovića, ali je poništen, nakon pregleda video tehnologijom.

27’ Domaćin prijeti sa distance,sada je pokušao Hadžiahmetović, lopta je otišla pored gola.

22’ Opet Džeko, sada je šutirao sa ivice kaznenog prostora, pravo u Mijatovića.

17’ Udarac Osmajića sa 20 metara, Šehić je skrenuo loptu u korner…

15’ Blaga inicijativa domaćina, ali bez pravih šansi.

3’ Džeko je pokušao nakon kornera, lopta je otišla pored stative.

Meč je počeo.

Aplauzom su pozdravljene obje himne.

Crna Gora će igrati u sljedećem sastavu:

Mijatović – Vešović, Vujačić, Tomašević, Radunović – Šćekić, Janković, Savićević, Marušić – Osmajić i Jovetić.

Sastav Bosne i Hercegovine:

Šehić – Hadžikadunić, Dedić, Saničanin, Kolašinac – Bešić, Pjanić, Hadžiahmetović – Džeko, Stevanović i Demirović.

  (foto: UEFA)

Prvi međusobni duel u Podgorici završen je neriješeno 1:1.

Crna Gora je, uoči posljednja dva meča u grupi, osim tog remija ostvarila i dva trijumfa i poraz.

Savladala je dva puta Rumuniju – 2:0 u Podgorici i 3:0 u Bukureštu, a jedini poraz doživjela je od Finske u Helsinkiju 2:0.

Selekcija BIH ima polovičan učinak – po dva trijumfa i remija. Pobijedila je u Zenici Finsku 3:2 i Rumuniju 1:0, dok je duel u Helsinkiju završen 1:1.

U drugom meču te grupe, u isto vrijeme u Helsinkiju, sastaće se Finska i Rumunija.

 

 

 

Izvorrtcg

Najnovije

Najčitanije

Povezano

Komentari

Subscribe
Notify of

0 Komentara
Inline Feedbacks
Pregedaj sve