Ćavi Ernandez je očitao pravu lekciju starijem kolegi Karlu Anćelotiju u 184. El Klasiku.
Barselona je savladala Real usred Madrida sa 4:0 i nagovijestila da je pod komandom mladog stručnjaka čeka svijetla budućnost.
“Veoma sam srećan, bili smo mnogo bolji. Oni su bili favoriti, ali uspjeli smo da ih nadigramo. Odigrali smo spektakluranu utakmicu i ovo je sjajno isksutvo za nas”, likovao je Ćavi.
Real je prvi na tabeli sa 66 bodova. Barsa je na trećem mjestu sa 54 boda i utakmicom manje.
“Ako budemo imali i najmanju šansu da se umiješamo u borbu za titulu mi ćemo to pokušati da iskoristimo. Real ima veliku prednost, ali u fudbalu se igra za bodove, pa ćemo vidjeti. Idemo korak po korak, trenutno je Sevilja druga i oni su nam sljedeća meta”, istakao je Serhio Buskets.