Menadžer ”tobdžija” Mikel Arteta rekao je da ne može da zamjeri na borbi svojim igračima u meču sa Kristal Palasom, ali da to nije bilo dovoljno da se osvoje tri boda.
Arsenal je remijem protiv komšija iz Londona prekinuo seriju od tri pobjede u Premijer ligi.
– Nedostajalo nam je malo svježine u završnoj trećini terena. Međutim, ulog je igrao veliku ulogu. To se vidjelo u situacijama kada smo im davali loptu i dozvoljavali kontre, koje su njihovo jako oružje. Ne mogu da zamjerim svojim igračima borbi i duhu, ali to ovog puta nije bilo dovoljno, rekao je Arteta.
Arsenal je na 11. mjestu sa 24 boda, osam manje od Lestera koji je u zoni Lige šampiona.