U Realu se traže trofeji, rezultat je mjerilo svega, ali je došlo vrijeme i da se misli na budućnost.
Neki igrači polako silaze sa velike scene, među njima su Luka Modrić i Toni Kros, za koje trener “kraljevskog kluba” Karlo Anćeloti u nastavku sezone ima nešto drugačiju ulogu.
Vidjelo se to sinoć protiv Valensije (2:0), kada su Modrić i Kros napustili teren dvadesetak minuta prije kraja.
“U procesu smo tranzicije i smjene generacija, to će trajati do kraja sezone. Luka je, naravno, veoma važan, ali ću nastaviti da dajem značajnu minutažu i ostalim igračima na toj poziciji”, rekao je Anćeloti.
Real nakon 19 kola u La Ligi ima pet bodova manje od lidera Barselone.