Trener Juventusa Masimo Alegri rekao je da je njegov tim zadržao mirnoću u trenutku kada je gubio od Sevilje.
Duboko u sudijskoj nadoknadi “stara dama” je izjednačila golom Federika Gatija.
“Igrali smo dobro i prije gola. Dobro smo se kretali, ali pred šesnaestercem smo pravili mnogo grešaka. Poslije jedne takve uhvaćeni smo u kontranapdu. Međutim, momci su se dobro borili, zadržali smo mirnoću, nismo gubili glavu i zasluženo stigli do gola. Ne zaboravite, Sevilja je veoma iskusna ekipa. Protiv Mančester Junajteda je gubila 2:0, pa stigla do 2:2. Sada smo mi uspjeli da izbjegnemo poraz”, rekao je Alegri.
Revanš je sljedećeg četvrtka u Andaluziji.