Predsjednik Srbije Aleksandar Vučić izjavio je da je Srbija mnogo modernije i ozbiljnije naoružana nego prije i naveo da se oružje ne kupuje da bi se bilo ko napadao ili da bi ratovalo, nego da bi se sačuvao mir i spokojstvo građana.
Vučić je za TV Pink kazao da je to rezultat ubrzanog rasta i pametne politike koju su izabrali građani i najavio da će Srbija “tek biti naoružana.”
Upitan da komentariše to što su i Albanci nabavili bespilotne letjelice kao Amerikanci, rekao je da one nijesu slične onima koje ima Srbija jer su njihove izviđačke, a ovdašnje borbeno – izviđačke.
Naveo je da je Albanija tek poručila te letjelice koje treba da im se isporuče do kraja 2022. godine.