Polako ali sigurno dolazi nam zima, sezona u kojoj je naša koža izložena niskim temperaturama i vjetru. Zbog vremenskih uslova čak i najzdravija koža zimi traži dodatnu zaštitu od spoljnih uticaja
Iskoristite ove jednostavne recepte i savjete da biste i u zimskim uslovima imali savršenu baršunastu kožu.
- JEDNOSTAVNA MASKA OD MEDA I JOGURTA
Sastojci:
1 supena kašičica gustog jogurta;
1 čajna kašičica meda (ako vam je koža inače vrlo suva, dodajte još jednu kašičicu meda).
Priprema: Kašikom dobro pomiješajte sve sastojke. Med prethodno otopite u posudi koju ste stavili u drugu posudu napunjenu toplom vodom. Rukom nanesite masku na čistu i suvu kožu lica. Masku ostavite na licu 15 minuta a zatim je uklonite mekanim pekirom potopljenim u toploj vodi. Kada ste temeljito uklonili masku, vaša će koža zasjati prirodnim sjajem koji će trajati danima.
Kako djeluje ova maska?
Jogurt je odličan za hidrataciju, čišćenje i omekšavanje kože. Smiruje iritacije i pročišćava pore. Pomaže u liječenju akni i ekcema. Med je prirodni antioksidans s antibakterijskim svojstvima. Štiti našu kožu zimi i ljeti, uklanja nečistoće iz pora i njeguje problematičnu kožu.
- HIDRATANTNI LOSION ZA TIJELO OD KOKOSOVOG ULJA
Sastojci:
par kapljica vašeg omiljenog eteričnog ulja;
1 čajna kašičica ekstra djevičanskog maslinovog ulja;
1 čajna kašičica kokosovog ulja;
1-2 kapljice destilovane vode.
Priprema: Ako je kokosovo ulje u čvrstom stanju, otopite ga u posudi koju ste stavili u drugu posudu napunjenu toplom vodom. Zatim pažljivo izmiješajte sve sastojke dok ne dobijete smjesu kremaste strukture.
Kako djeluje ovaj losion?
Maslinovo ulje omekšava kožu i daje joj sjaj. Sprječava prerano starenje kože i hidrira je. Kokosovo ulje široko se koristi u kozmetičke svrhe. Ovo ulje hrani, štiti i hidrira kožu te povećava sadržaj lipida koji koži daju elastičnost.
- DOMAĆI PILING ZA SUVU KOŽU
Sastojci:
Sok jednog limuna;
5 supenih kašika morske soli;
1 supena kašika maslinovog ulja.
Miješanjem ovih sastojaka dobićete luksuzni piling za tijelo. Vlažnom rukavicom utrljajte ovu smjesu na vlažnu kožu tijela. Zatim isperite mlakom vodom.
7 SAVJETA ZA NJEGU SUVE KOŽE ZIMI
Zimi provodimo puno vremena u prostorijama koje se greju, a to isušuje našu kožu. Priuštite sebi ovlaživač vazduha.
Zimska njega kože znatno se razlikuje od ljetnje. Lagane kreme i losione zamijenite masnijim i bogatijim proizvodima. Vašoj koži to je potrebno da bezbolno prebrodi zimu.
Pobrinite se za stopala i ruke
Dodajte u vašu omiljenu kremu nekoliko kapi hladno cijeđenog ulja (kokosovo, shea, arganovo, sezamovo…). Jednom nedjeljno, nanesite obilan sloj kreme na ruke i stopala, navucite pamučne rukavice i čarape i spremite se za spavanje. Ujutro će vaša koža biti mekana.
Praktikujte uljne kupke
Napunite kadu toplom vodom i dodajte par kapi vašeg omiljenog biljnog ulja (bademovo, kokosovo, maslinovo). Ovaj mali trik će znatno omekšati vašu kožu.
Balzam za usne je obavezan
Vaše će se usne teško nositi sa zimom ako ih ne zaštitite na odgovarajući način. Tanka koža usana pamti vremenske neprilike kojima je izložena. Redovno štitite vaše usne balzamom na bazi prirodnih biljnih ulja.
Pijte dovoljno tečnosti
Kožu nije dovoljno navlažiti spolja. Da bi ona bila dubinski hidratizovana potrebno je u organizam unositi dovoljno tečnosti. Uz vodu tu su uvijek čajevi, tople supe, voće i povrće koji će vam pomoći da povećate dnevni unos tečnosti. Nemojte se predugo tuširati toplom vodom, jer to dodatno isušuje kožu. Da biste zimi zaštitili vašu kožu, nisu vam potrebni skupi kozmetički proizvodi. Uz malo mašte i nekoliko prirodnih sastojaka, vašoj koži možete priuštiti vrhunsku njegu.
Izvor: Alternativa-za-vas.com