Petak, 29 Marta, 2024
Rubrika:

Belgija: Par kažnjen zbog seksa na crkvenom oltaru, crkva očišćena svetom vodicom

Sudija za prekršaje je ih proglasio krivim i određena im je mjera – moraće da pohađaju kurs koji će ih navesti da razmisle o svojim djelima i njihovom uticaju

Oltar u crkvi Svetog Mihaila u belgijskom gradu Bri je ovog vikenda poprskana svetom vodicom, kako bi crkva povratila stari sjaj nakon što je u njoj snimljen seks video.

Prošle nedjelje, lokalna policija je pokrenula istragu zbog eksplicitnog snimka, na kome se vide muškarac i žena koji imaju odnose na crkvenom oltaru, a koji je osvanuo na društvenim mrežama, prenosi Brussels Times.

„Intimnost koja se dogodila u našoj crkvi je objavljena javno i počela da kruži u medijima. Na ovaj način je i crkvi i oltaru nanešena nepravda. Mjesto gdje se odaje počast Bogu je oskrnavljeno, a mnogi vjernici su šokirani“, izjavio je sveštenik Jak Jansen za lokalni radio.

Na predlog vjernika i biskupije, u crkvi je održana molitva, a oltar je poprskan svetom vodicom, kako bi se vratila istinska svrha crkvene zgrade.

U međuvremenu je par sa videa pronađen i ispitani su u policiji, prenijeli su lokalni mediji. Oni su optuženi za dva djela – neprikladno ponašanje na javnom mjestu i distribuiranje pornografskog materijala. Oni su priznali krivicu i već su izvedeni pred sudiju.

Sudija za prekršaje je ih proglasio krivim i određena im je mjera – moraće da pohađaju kurs koji će ih navesti da razmisle o svojim djelima i njihovom uticaju.

IzvorN1

Najnovije

Najčitanije

Povezano

Komentari

Subscribe
Notify of

0 Komentara
Inline Feedbacks
Pregedaj sve