Francuska: Pogledajte snimak spašavanja skijaša (VIDEO)

Djelovi Austrije, Njemačke i Francuske su pod sniježnim nanosima, ponegdje većim i od dva metra. Ima mrtvih i povrijeđenih. Sve službe spasavanja su na terenu.

U nekim mjestima Austrije već do danas palo je toliko snijega koliko u prosjeku padne tokom cijelog januara, pa ne čudi što nadležne službe rade na ivici snaga. Prijavljen je nestanak velikog broja turista, ali i lokalnog stanovništva, prenosi Index.hr.

Istovremeno, na hiljade ljdi ostalo je zavijano i odsječeno od ostatka svijeta, saobraćajnice su blokirane zbog snijega ali i opasnosti od lavina. Prijeti im i mogućnost nestanka struje, jer su svi stubovi za dovod električne energije preopterećeni količinom snijega.

Društvene mreže i televizijske stanice prepune su snimaka zavijanih djelova Evrope, kao i spasavanja zarobljenih ljudi. Jedan takav, nevjerovatan, snimak objavio je britanski Skaj njuz, a na njemu je prikazana ogromna vještina pilota helikoptera koji se praktično prednjim donjim dijelom naslonio na sniježnu liticu na jednoj planini u Francuskoj kako bi iskrcao ekipu za pomoć izgubljenom skijašu.

Komentari

avatar