Prema objavi Microsoft Exchange Team-a, nova verzija Office-ove „vječite“ verzije je u izradi.
Sjajne vijesti za fanove Office 2019
Iako Microsoft većinu svojih razvojnih resursa povezanih sa Officeom stavlja u paket Office 365 zasnovan na cloudu, ipak nije odustao od samostalnih verzija softvera za produktivnost. Exchange tim nije ulazio u detalje o novom izdanju Officea, pomenuli su ga samo u jednom redu, koji glasi ovako: „Microsoft Office će takođe vidjeti novo izdanje i za Windows i za Mac, u drugoj polovini 2021.“
Dakle, samostalni ili “standalone” Office se konačno vratio nakon duže pauze – poslednja verzija softvera koja je objavljena bila je Office 2019, koja je zapravo izašla 2018. godine, negdje otprilike u ovo doba godine. Nejasno je koje nove funkcije možemo očekivati da vidimo u sistemu Office 2021 (ili možda 2022), ali ne bi bilo iznenađenje ako Microsoft povuče nekoliko ideja iz sistema Office 365. Zamjena stalnih ažuriranja za pouzdan offline pristup dokumentima 24/7 je prilično poštena trgovina, uzimajući sve u obzir, iako se još uvijek ne zna se koliko će koštati nova verzija sistema Office.