Predškolcima JPU Đina Vrbica od 3. februara ukida se obavezni popodnevni odmor u vrtiću, dakle ne moraju da spavaju, piše Dan.

To vrijeme će iskoristiti za igru i učenje. Vrijeme odmora u svim vaspitnim jedinicama sada je od 12 do 14 časova.

Kako je kazala Vesna Marković, PR ustanove, djeca koja budu htjela da spavaju to će im biti i omogućeno.

“Direktor ustanove smatra da je ovakav režim dobar za mališane, da bi se vrijeme za popodnevni odmor iskoristilo tako što će djeca imati neke mirne aktivnosti u tom periodu. Djeca koja budu imala potrebu za popodnevnim odmorom to će im biti omogućeno”, kaže Marković.

U decembru prošle godine, kada je i pokrenuta priča o ukidanju spavanja, razmišljalo se i o promjeni režima ishrane. Tu ideju roditelji su podržali, a protivili su se ukidanju odmora.

Planirano je da djeca imaju doručak između osam i devet sati, užinu, pa ručak od 13 do 14 sati, i još jednu užinu.

Zasad se ta novina neće uvoditi jer upravni odbora ustanove nije o tome raspravljao.

guest
0 Komentara
Inline Feedbacks
Pregedaj sve