Građani Bara, naročito iz prigradskih naselja, često zovu jedinicu Službe zaštite da im iz kuće ili dvorišta uklone zmije. Gotovo svaki put riječ je o bezopasnim smukovima.

FOTO: Bar Info

Sa ljetnjom sezonom i višim temperaturama, ponovo kreće aktivnost gmizavaca i veći broj susreta čovjeka i zmija.

Vatrogasci izuzetno profesionalno pristupaju ovom poslu, naravno, ne ubijajući životinje. Odnose ih u divljinu, na livadu ili u šumu. Smukovi su korisni za ljudska staništa jer uništavaju glodare i insekte. Ne napadaju ljude.

Samo u petak pripadnici Službe zaštite imali sui tri akcije uklanjanja zmija.

“Smukovi se zbog svoje veličine ljudima često učine strašnim… A vjerovatno su samo žedni. Potpuno su bezopasni, a često stradaju od metle ili lopate. Možete da se sklonite da nastavi svojim putem, a lako ga možete i ispratiti van dvorišta onom mekšom stranom od metle…”, napisao je na svom FB profilu vatrogasac Bojan Rukavina.

guest
0 Komentara
Inline Feedbacks
Pregedaj sve