Romski savjet oglasio se povodom kampanje Crnogorske kulturne mreže “Crna Gora bez podjela” u kojoj su pripadnici tog naroda prikazani u uniformama komunalnih radnika.
Oni poručuju da radnici zapošljeni u D.O.O “Čistoća” u radnom odjelu nisu dio romske kulturne nošnje i svaka alegorija ne može doprinijeti smanjenju stereotipa ma koliko u dobroj volji bila namijenjena.
– Da su realizatori istih prisustvovali godinama ranije obilježavanju Dana Roma 8. april znali bi da imamo određenu nošnju koja predstavlja našu kulturu. Da je umjetničko djelo zamislili bi se, ali ovako jedna NVO ne smije raditi jer se ovime produbljuje sve za ša smo se zalagali. Da se zapitamo da je umjesto bilo koje druge nošnje bila uniforma čistoće, bi li se smjelo i pomisliti na to? – poručuju iz Romskog savjeta.
Oni istuču da se godinama unazad bore da svoj narod predstave u pozitivnom svjetlu te da ulažu puno napora i resursa u inkluziju Roma u Crnoj Gori.