Nova direktorica Kliničkog centra Crne Gore Ljiljana Radulović smijenila je medicinsku direktoricu te ustanove Marinu Ratković, a na njeno mjesto imenovala doktora Zorana Terzića.
Kako su ranije objavili u rubrici ”Oni nas liječe” KCCG-a, Marina Ratković, dosadašnja medicinska direktorica KCCG, gotovo pola vijeka – pune 43 godine liječi i spašava živote svojih pacijenata.
Veliko iskustvo sticala je najprije kao doktorica u ”Titeksu”, potom u Hitnoj pomoći, pa u Medicinskom zavodu Titograd, a na Klinici za Internu medicinu radi od kad su ta klinika i Klinički centar osnovani.
Paralelno sa praksom, nastavila je usavršavanja – nakon studija, specijalizacije i subspecijalizacije, magistrirala je i doktorirala na istom, Medicinskom fakultetu u Beogradu.