Turisti, uglavnom iz zapadnoevropskih zemalja, počeli su da ulaze u Crnu Goru odmah iza ponoći, čim je stupila na snagu mjera ulaska bez karantina za građane država sa manje od 25 aktivnih slučajeva COVID-a 19 na 100.000 stanovnika.
Turisti kažu da nije bilo problema pri ulasku u Crnu Goru.
“Boraviću u Tivtu 2-3 nedjelje”, kaže jedan njemački turista.
“Jedan naš dobar prijatelj ima kajt surfing školu i došli smo da boravimo kod njega u Ulcinju”, kaže par iz Njemačke.
Prvi gosti na poklon su dobili simbolične poklone-maslinovo ulje i sapun od maslina.
Podsjećamo, Nacionalno koordinaciono tijelo za zarazne bolesti (NKT) donijelo je juče odluku da od ponoći Crna Gora otvori i sve putne granične prelaze prema susjednim državama koji su bili zatvoreni u okviru mjera protiv širenja koronavirusa.