Ministar sporta i mladih Nikola Janović i direktor Uprave javnih radova Rešad Nuhodžić, zasadili su čemprese u Baru na prostoru, gdje su početkom godine posječena stabla koja su krasila ovaj prostor.
“Kako je premijer i obećao u februaru ove godine, danas smo ovdje da ovaj prostor obogatimo novim zasadom čempresa i na taj način vratimo dug prirodi i našoj okolini. Nije to samo ispunjavanje obaveze koju je preuzela Vlada, već je ovakve prostore potrebno čuvati i njegovati za potrebe svih građana Bara, a posebno naše omladine i naših najmlađih”, istakao je Janović.
Kako je istakao, Ministarstvo sporta i mladih zauzeće svoje mjesto i kroz volonterizam i kroz angažovanje sportista i mladih kako bi stvorili životni prostor kakav zaslužuju i sačuvali našu okolinu kao ključni razvojni resurs.