U nikšićkoj bolnici je trenutno 36 oboljelih od koronavirusa. Od toga 29 je na Infektivnom odjeljenju, a sedam na Psihijatriji, kazao je za Antenu M direktor OB Nikšić Ilija Ašanin.
“Jedan pacijent je životno ugrožen, ostali su za sada stabilno”, naveo je on.
S obzirom na to da je zabilježen porast broja inficiranih u tom gradu, te da su samo danas zabilježena 32 nova slučaja, Ašanina je komentarisao da li ustanova ima dovoljno kapicetata da zbrine sve covid pozitivne pacijente.
“Nikšićka bolnica raspolaže ukupno sa 55 mjesta za covid bolesnike i 25 za psihijstrijske bolesnike sa covidom, tako da možemo da odgovorimo na eventualni porast broja oboljelih pacijenata”, kazao je on.