Loik Mejar pobjednik je veleslaloma voženog u okviru Svjetskog kupa u norveškom Hafjelu.
Švajcarac je do trijumfa stigao posle odlične prve vožnje. Bio je prvi, a u drugoj je uspio da sačuva stečenu prednost i slavi sa 2:18,20.
Slavlje Švajcaraca su upotpunili Marko Odermat i Tomas Tumler osvajanjem drugo i trećeg mjesta. Odermat je kasnio 14, a Tumler 23 stotinke za pobjednikom.
Osvajanjem drugog mjesta Odermat je obezbijedio mali globus u veleslalomu. Trku prije kraja ima 106 bodova više od Kristofersena.
U generalnom plasmanu Odermat ima 1596 poena, dok je Kristofersen drugi sa 961 poenom. Švajcarac je već sad osigurao četvrti Veliki Kristalni globus.
