Brza reakcija dežurne smjene na Aerodromu Tivat doprinijela je stabilizaciji zdravstvenog stanja putnika kojem je pozlilo u avionu prilikom prilaska pisti.
Naime, kako su Aerodromi objavili na svojoj Facebook stranici, nakon što je kapetan letjelice dojavio da se jedan putnik ne osjeća dobro, medicinski tim aerodroma odmah je reagovao. Ekipa je, po slijetanju aviona, ušla u kabinu i preuzela pružanje prve pomoći, nakon čega je pacijent zbrinut u ambulanti aerodroma. Zahvaljujući brzoj i koordinisanoj intervenciji, putniku je pružena neophodna medicinska pomoć u najkraćem roku.
“Ovo je dio našeg tima dežurne smjene na Aerodromu Tivat čijom je brzom reakcijom stabilizovano zdravstveno stanje jednog putnika. Nakon dojave kapetana da se u avionu, na prilasku tivatskoj pisti, nalazi putnik kom je pozlilo, aerodromska medicinska ekipa je bila spremna da, odmah po slijetanju, “uleti” u avion i potom zbrine pacijenta i u ambulanti. Svaka čast doktorkiBosiljki Radović Tomović, medicinskoj sestri,Ani Bogović, vozaču ambulantnog vozila,Tripu Nikolić”, naveli su na Facebooku.
