Trener Rijeke Radomir Đalović, očigledni zna kako da postavi igru protiv najvećih rivala Hajduka i Dinama i od večeras je ponovo njegov tim na vrhu Hrvatske nogometne lige.
Rijeka je na Rujevici u 26. kolu pobijedila Hajduk sa 3:0 i vratila se na prvo mjesto sa dva boda prednosti u odnosu na Splićane.
Rijeka je protiv Hajduka povela golom Fruka u 25. minutu, a veću u 35. Ivanović je postavio rezultat prvog poluvremena.
Konačan rezultat postavio je Fruk u samom finišu , tako da Rijeka ponovo ima realne izglede za osvajanje duple krune.
"Čestitao bih i Hajduku, nije ih lako pobijediti dva puta u 15 dana, imaju odlične pojedince i trenera, ali mi smo bili sve što smo trebali biti protiv Šibenika. Žarko smo željeli da krene utakmica, danas smo bili odlični, izdominirali smo Hajduk, bili agresivni u svakoj situaciji. Ovo je velika pobjeda i povratak, ali tek sad kreću prave stvari, posebno iduće nedjelje na gostovanjima. Idemo utakmicu po utakmicu i pokušat ćemo ponoviti ovo danas", kazao je nakon pobjede protiv Hajduka Đalović.
Đalovićev tim je nedavno savladao Hajduk i u četvrtfinalu Kupa (3:1 na Poljudu) i deklasirao Dinamo u HNL - bilo je 4:0.
